المُرسَلات

El-Murselat

Rreth Sures

Surja El-Murselat zbriti në Mekë dhe, bashkë me bismil-lahin, ka pesëdhjetë e një ajete.

Që në fillim të kësaj sureje parashikohen ngjarje që do të ndodhnin në epokën e të mëvonshmëve dhe që lidhen me zhvillimin e shkencës dhe të teknologjisë. Kjo për të provuar se Ai Allah që e ka parashikuar këtë të padukshme, është i Plotfuqishëm edhe për të sjellë në botë çdolloj ndryshimi të madh. Kështu që, kjo sure parashikon për disa fluturake, të cilat në fillim janë të ngadalta, e më pas do të jenë të shpejta si stuhi. Në këtë kohë kjo pamje u ngjan avionëve, sidomos atyre luftarakë, të cilët nisen ngadalshëm e më pas arrijnë një shpejtësi të jashtëzakonshme. Me këta avionë shpërndahen fletushka e njoftime gjatë luftërave, për të krijuar dallimin dhe për t’u bërë thirrje njerëzve: Nëse jeni me ne, edhe ne do t’ju ndihmojmë, përndryshe nuk mund t’ju shpëtojë dot askush nga ne.

Më pas thotë: Kur yjet do të zbehen, dhe kur njeriu do të bëjë përpjekje të ndryshme për t’u ngjitur në qiell. Zbehja e yjeve, me sa duket, nënkupton përfundimin e periudhës së sahabëve^r.a. të Profetit, për nga ndikimi i tyre. Pra, drita që merrte umeti i Profetit prej këtyre yjeve, do të zbehej.

Më pas tha: Kur superfuqitë që u ngjajnë maleve, do të shkulen, dhe atëherë do të ridërgohen të gjithë të Dërguarit. Dijetarë të ndryshëm e keqinterpretojnë këtë ajet duke e përshkruar atë si pamje të Ditës së Kiametit, sepse Ditën e Kiametit as nuk shkulen malet, e as nuk dërgohen Profetët. Profetët dërgohen në këtë botë që njerëzimi të mësojë prej tyre. Andaj, kjo profeci e Kuranit të Shenjtë parashikon që, në shërbim të plotë të Kuranit dhe të Profetit Muhammed^s.a.v.s., do të shfaqej një Profet, ardhja e të cilit do të ngjasonte me ardhjen e të Dërguarve të tjerë. Pra, përpjekja e tij do të synonte bashkimin e umetit të secilit Profet të mëparshëm në umetin e Profetit Muhammed^s.a.v.s..

Parashikimet vijojnë, por ato janë në një gjuhë që mund të kenë kuptime të ndryshme. Njëri prej kuptimeve aplikohet në mënyrë të goditur edhe për luftërat që do të bëheshin në të ardhmen. Një shenjë, për shembull, është që ato do të jenë në tre sektorë. Siç luftërat e epokës sonë bëhen në tokë, det dhe ajër. Po kështu thotë se qielli do të lëshojë flakë të tilla që do t’u përngjajnë kështjellave, sikur të ishin deve me ngjyrë të errëta. Këto dy ajete tregojnë qartë se kjo është një gjuhë e figurshme. Në kohën e të Dërguarit të Allahut^s.a.v.s. nuk kishte asnjë koncept të luftërave të tilla që mund të lëshonin zjarr prej qiellit. Andaj, kjo është një profeci nga i Gjithëdijshmi Zot, i cili e di edhe të ardhmen. Përveç kësaj, zjarri nuk bie prej qiellit në funksion të Ditës së Kiametit të madh, andaj, duket se këtu kemi të bëjmë me një profeci që flet për luftëra atomike, gjë që përmendet edhe në suren 44, Ed-Dukhan (Tymi), që, atë ditë qielli do të lëshojë valë radioaktive, të cilat këdo që do ta prekin, do t’ia rrëmbejnë qetësinë.

Ajetet në vijim përmendin detajet e botës së përtejme, duke i tërhequr vëmendje njerëzimit: nëse do të plotësohen profecitë që janë përmendur në këtë sure, duhet të jeni të bindur se edhe bota e përtejme do të bëhet patjetër; nëse e keni mohuar Krijuesin në këtë botë, dhe nëse keni ndërtuar një botë skëterre rreth vetes, edhe në botën e përtejme do të vuani në një ferr të tmerrshëm.

بِسۡمِ اللّٰہِ الرَّحۡمٰنِ الرَّحِیۡمِ﴿۱﴾
77 : 1 Me emrin e Allahut, të Gjithëmëshirshmit, Mëshirëbërësit.
وَ الۡمُرۡسَلٰتِ عُرۡفًا ۙ﴿۲﴾
77 : 2 Betohem për ato që dërgohen njëra pas tjetrës!
فَالۡعٰصِفٰتِ عَصۡفًا ۙ﴿۳﴾
77 : 3 Për ato që më pas marrin shpejtësi të stuhishme!
وَّ النّٰشِرٰتِ نَشۡرًا ۙ﴿۴﴾
77 : 4 Dhe për shpërndarëset (e mesazhit) anekënd!
فَالۡفٰرِقٰتِ فَرۡقًا ۙ﴿۵﴾
77 : 5 Dhe për ato që, më pas, bëjnë dallimin e qartë!
فَالۡمُلۡقِیٰتِ ذِکۡرًا ۙ﴿۶﴾
77 : 6 Dhe për ato që lëshojnë skripte!
عُذۡرًا اَوۡ نُذۡرًا ۙ﴿۷﴾
77 : 7 Qoftë si argument, qoftë si kërcënim!
اِنَّمَا تُوۡعَدُوۡنَ لَوَاقِعٌ ؕ﴿۸﴾
77 : 8 Ajo që ju paralajmërohet, do të ndodhë pashmangshmërisht.
فَاِذَا النُّجُوۡمُ طُمِسَتۡ ۙ﴿۹﴾
77 : 9 Atëherë kur yjet të zbehen;
وَ اِذَا السَّمَآءُ فُرِجَتۡ ۙ﴿۱۰﴾
77 : 10 dhe kur qielli të shpohet;
وَ اِذَا الۡجِبَالُ نُسِفَتۡ ﴿ۙ۱۱﴾
77 : 11 dhe kur malet të thërrmohen;
وَ اِذَا الرُّسُلُ اُقِّتَتۡ ﴿ؕ۱۲﴾
77 : 12 dhe kur të Dërguarit të shfaqen në kohën e caktuar.
لِاَیِّ یَوۡمٍ اُجِّلَتۡ ﴿ؕ۱۳﴾
77 : 13 Për cilën ditë ata ishin caktuar?
لِیَوۡمِ الۡفَصۡلِ ﴿ۚ۱۴﴾
77 : 14 Për ditën vendimtare.
وَ مَاۤ اَدۡرٰٮکَ مَا یَوۡمُ الۡفَصۡلِ ﴿ؕ۱۵﴾
77 : 15 E si mund ta dish ti se çfarë është dita vendimtare?
وَیۡلٌ یَّوۡمَئِذٍ لِّلۡمُکَذِّبِیۡنَ ﴿۱۶﴾
77 : 16 Atë ditë, u shkatërrofshin mohuesit!
اَلَمۡ نُہۡلِکِ الۡاَوَّلِیۡنَ ﴿ؕ۱۷﴾
77 : 17 A nuk i kemi shfarosur të parët?!
ثُمَّ نُتۡبِعُہُمُ الۡاٰخِرِیۡنَ ﴿۱۸﴾
77 : 18 Më pas, i sjellim edhe të mëvonshmit pas tyre.
کَذٰلِکَ نَفۡعَلُ بِالۡمُجۡرِمِیۡنَ ﴿۱۹﴾
77 : 19 Ne kështu bëjmë me fajtorët.
وَیۡلٌ یَّوۡمَئِذٍ لِّلۡمُکَذِّبِیۡنَ ﴿۲۰﴾
77 : 20 Atë ditë, u shkatërrofshin mohuesit!
اَلَمۡ نَخۡلُقۡکُّمۡ مِّنۡ مَّآءٍ مَّہِیۡنٍ ﴿ۙ۲۱﴾
77 : 21 A nuk ju kemi krijuar prej një uji të parëndësishëm!
فَجَعَلۡنٰہُ فِیۡ قَرَارٍ مَّکِیۡنٍ ﴿ۙ۲۲﴾
77 : 22 të cilin më pas e vumë në një vend të sigurt,
اِلٰی قَدَرٍ مَّعۡلُوۡمٍ ﴿ۙ۲۳﴾
77 : 23 deri në një masë të caktuar (kohe)?!
فَقَدَرۡنَا ٭ۖ فَنِعۡمَ الۡقٰدِرُوۡنَ ﴿۲۴﴾
77 : 24 Më pas e përcaktuam (atë), dhe sa Përcaktues të mirë Jemi!
وَیۡلٌ یَّوۡمَئِذٍ لِّلۡمُکَذِّبِیۡنَ ﴿۲۵﴾
77 : 25 Atë ditë, u shkatërrofshin mohuesit!
اَلَمۡ نَجۡعَلِ الۡاَرۡضَ کِفَاتًا ﴿ۙ۲۶﴾
77 : 26 A nuk e bëmë tokën që të mbajë,
اَحۡیَآءً وَّ اَمۡوَاتًا ﴿ۙ۲۷﴾
77 : 27 edhe të gjallët, edhe të vdekurit?!
وَّ جَعَلۡنَا فِیۡہَا رَوَاسِیَ شٰمِخٰتٍ وَّ اَسۡقَیۡنٰکُمۡ مَّآءً فُرَاتًا ﴿ؕ۲۸﴾
77 : 28 Dhe në të bëmë male të larta, dhe ju dhamë ujë të pijshëm.
وَیۡلٌ یَّوۡمَئِذٍ لِّلۡمُکَذِّبِیۡنَ ﴿۲۹﴾
77 : 29 Atë ditë, u shkatërrofshin mohuesit!
اِنۡطَلِقُوۡۤا اِلٰی مَا کُنۡتُمۡ بِہٖ تُکَذِّبُوۡنَ ﴿ۚ۳۰﴾
77 : 30 Ecni drejt asaj që e quanit gënjeshtër!
اِنۡطَلِقُوۡۤا اِلٰی ظِلٍّ ذِیۡ ثَلٰثِ شُعَبٍ ﴿ۙ۳۱﴾
77 : 31 Ecni drejt një hijeje që ka tri degë,
لَّا ظَلِیۡلٍ وَّ لَا یُغۡنِیۡ مِنَ اللَّہَبِ ﴿ؕ۳۲﴾
77 : 32 as nuk jep hije dhe as nuk shpëton nga flakët.
اِنَّہَا تَرۡمِیۡ بِشَرَرٍ کَالۡقَصۡرِ ﴿ۚ۳۳﴾
77 : 33 Ajo lëshon një flakë si një kështjellë,
کَاَنَّہٗ جِمٰلَتٌ صُفۡرٌ ﴿ؕ۳۴﴾
77 : 34 sikur të jenë deve të errëta.
وَیۡلٌ یَّوۡمَئِذٍ لِّلۡمُکَذِّبِیۡنَ ﴿۳۵﴾
77 : 35 Atë ditë, u shkatërrofshin mohuesit!
ہٰذَا یَوۡمُ لَا یَنۡطِقُوۡنَ ﴿ۙ۳۶﴾
77 : 36 Kjo është dita kur ata nuk do të flasin dot.
وَ لَا یُؤۡذَنُ لَہُمۡ فَیَعۡتَذِرُوۡنَ ﴿۳۷﴾
77 : 37 Nuk do të lejohen të japin justifikime.
وَیۡلٌ یَّوۡمَئِذٍ لِّلۡمُکَذِّبِیۡنَ ﴿۳۸﴾
77 : 38 Atë ditë, u shkatërrofshin mohuesit!
ہٰذَا یَوۡمُ الۡفَصۡلِ ۚ جَمَعۡنٰکُمۡ وَ الۡاَوَّلِیۡنَ ﴿۳۹﴾
77 : 39 Kjo është dita vendimtare. Ne ju mblodhëm ju dhe të parët.
فَاِنۡ کَانَ لَکُمۡ کَیۡدٌ فَکِیۡدُوۡنِ ﴿۴۰﴾
77 : 40 Nëse keni ndonjë taktikë, bëjeni kundër Meje!
وَیۡلٌ یَّوۡمَئِذٍ لِّلۡمُکَذِّبِیۡنَ ﴿٪۴۱﴾
77 : 41 Atë ditë, u shkatërrofshin mohuesit!
اِنَّ الۡمُتَّقِیۡنَ فِیۡ ظِلٰلٍ وَّ عُیُوۡنٍ ﴿ۙ۴۲﴾
77 : 42 Pa dyshim, të druajturit (ndaj Zotit) do të jenë në (xhenete me) hije e burime;
وَّ فَوَاکِہَ مِمَّا یَشۡتَہُوۡنَ ﴿ؕ۴۳﴾
77 : 43 dhe fruta, që ata do t’i pëlqejnë.
کُلُوۡا وَ اشۡرَبُوۡا ہَنِیۡٓــًٔۢا بِمَا کُنۡتُمۡ تَعۡمَلُوۡنَ ﴿۴۴﴾
77 : 44 “Hani e pini lirshëm për atë që keni punuar!”
اِنَّا کَذٰلِکَ نَجۡزِی الۡمُحۡسِنِیۡنَ ﴿۴۵﴾
77 : 45 Ne kështu i shpërblejmë mirëbërësit.
وَیۡلٌ یَّوۡمَئِذٍ لِّلۡمُکَذِّبِیۡنَ ﴿۴۶﴾
77 : 46 Atë ditë, u shkatërrofshin mohuesit!
کُلُوۡا وَ تَمَتَّعُوۡا قَلِیۡلًا اِنَّکُمۡ مُّجۡرِمُوۡنَ ﴿۴۷﴾
77 : 47 “Hani dhe përfitoni për një kohë të shkurtër! Ju përnjëmend jeni fajtorë!”
وَیۡلٌ یَّوۡمَئِذٍ لِّلۡمُکَذِّبِیۡنَ ﴿۴۸﴾
77 : 48 Atë ditë, u shkatërrofshin mohuesit!
وَ اِذَا قِیۡلَ لَہُمُ ارۡکَعُوۡا لَا یَرۡکَعُوۡنَ ﴿۴۹﴾
77 : 49 E kur atyre u thuhet: “Përkuluni”, nuk përkulen.
وَیۡلٌ یَّوۡمَئِذٍ لِّلۡمُکَذِّبِیۡنَ ﴿۵۰﴾
77 : 50 Atë ditë, u shkatërrofshin mohuesit!
فَبِاَیِّ حَدِیۡثٍۭ بَعۡدَہٗ یُؤۡمِنُوۡنَ ﴿٪۵۱﴾
77 : 51 Andaj, cilën fjalë do ta besojnë ata pas kësaj?!