النَّاس
En-Nas
Surja En-Nas është medinase dhe, bashkë me bismil-lahin, ka shtatë ajete.
Kjo sure ndër të tjera shpalos përpjekjet e përbashkëta të atyre hebrenjve e të krishterëve, të cilët do të pretendojnë të quhen Zoti i njerëzve, pra do të sundojnë ekonominë e tyre; po kështu do të pretendojnë të quhen sundimtarët e njerëzve, pra do ta pushtojnë edhe politikëbërjen e tyre; dhe më pas do të shpallin veten si zota të njerëzve, pra do t’u japin vetëm atyre që i “adhurojnë”, dhe do t’i ndëshkojnë e poshtërojnë ata që nuk i “adhurojnë”. Arma e tyre e përbashkët do të jetë cytja e dyshimeve në zemrat e njerëzve, duke vepruar si hannas, pra si ai që cyt një mendim të keq e më pas fshihet. Kështu do të bëhet edhe gjendja e vendeve të fuqishme, si kapitaliste ashtu edhe komuniste. Ai që dëshiron të shpëtojë prej tyre, ka nevojë t’i kërkojë mbrojtjen e Zotit të vërtetë të njerëzve, të Sunduesit të vërtetë të njerëzve dhe të Adhurueshmit të vërtetë të njerëzve.
- بِسۡمِ اللّٰہِ الرَّحۡمٰنِ الرَّحِیۡمِ﴿۱﴾114 : 1 Me emrin e Allahut, të Gjithëmëshirshmit, Mëshirëbërësit.
- قُلۡ اَعُوۡذُ بِرَبِّ النَّاسِ ۙ﴿۲﴾114 : 2 Thuaj: Kërkoj mbrojtjen e Zotit të njerëzve;
- مَلِکِ النَّاسِ ۙ﴿۳﴾114 : 3 të Sunduesit të njerëzve;
- اِلٰہِ النَّاسِ ۙ﴿۴﴾114 : 4 të Adhuruarit të njerëzve,
- مِنۡ شَرِّ الۡوَسۡوَاسِ ۬ۙ الۡخَنَّاسِ ۪ۙ﴿۵﴾114 : 5 nga e keqja e cytjes së djallit që fshihet pas cytjes,
- الَّذِیۡ یُوَسۡوِسُ فِیۡ صُدُوۡرِ النَّاسِ ۙ﴿۶﴾114 : 6 që cyt zemrat e njerëzve;
- مِنَ الۡجِنَّۃِ وَ النَّاسِ ٪﴿۷﴾114 : 7 qoftë (cytësi) prej xhindëve, ose prej njerëzve.Shpjegime
Ajetet 1-7: Kjo sure na mëson t’i kërkojmë mbrojtjen Atij Zoti, që është Krijuesi dhe Kujdestari i njerëzve (arab. rab), që është Sunduesi i njerëzve dhe që është i Adhurueshmi i njerëzve. Pra, t’i kërkojmë mbrojtjen Këtij Zoti, nga cytjet e djallit, i cili, qoftë vetë, qoftë duke qenë brenda njeriut, cyt në zemrat e njerëzve dhe që i largon ata nga besimi. Kështu, kjo sure tregon se do të vinte një kohë kur njerëzit nuk do të shikonin dot kollaj as dhembshurinë e sinqertë, as drejtësinë e vërtetë e as besimin e vërtetë, sepse njerëzit në masë do të besonin te krijuesit dhe kujdestarët e rremë, te sundimtarët e rremë dhe tek të adhurueshmit e rremë. Kjo do të ishte pikërisht koha e Dexhallit. Surja En-Nas na tregon se, këto tri vlera, pra rabi, sundimi dhe e drejta për t’u adhuruar, në të vërtetë janë të Zotit dhe Atij duhet t’i kërkojmë mbrojtjen, që të ruhemi nga sulmet e djallit.